未驗車先落訂，等於倒錢落海！直擊「車底穿窿」隱形兇車！

「賣家同我講，部車喺元朗驗過冇問題㗎... 」
結果我哋阿豪師傅一升起架車，連螺絲批都未拎，就見到成個車底嚴重氧化，生鏽生到直情穿埋窿！
更慘嘅係，買家睇到相之後崩潰狂嗌「接受唔到」，但原來佢未驗車就已經過咗 $2,000 蚊訂金畀對方……依家筆錢隨時化為烏有！
 
買二手車，最忌聽賣家講故事。
好多時表面執到好靚，內裡一鑊泡。今次呢個個案，賣家自稱係「私人讓車」，信誓旦旦話之前驗過好健康。如果買家貪方便、或者畀人催兩催就過咗訂，主導權就一世喺人哋手上！
試諗下，車底穿窿行行下高速公路，個底盤隨時飛出嚟，呢度唔單止係無咗 $2,000 蚊訂金，直情係拎條命黎賭！

師傅再三警告：
無論對方講到部車幾咁極品、幾多個人排緊隊要買，未經你自己信任嘅第三方專業驗車，千、祈、唔、好、落、訂！
記住保命八字真言：
 【先驗車，後落訂】