【驗車師傅日記】病從口入 禍從口出



【驗車師傅日記】病從口入 禍從口出

今天的工作非常多,由朝排到晚!為免中間沒時間吃飯,所以一起身,就食左個麵包。

點知驗完第一部車,肚痛加頭暈,之後又嘔又疴!

即時打返公司,同事問頂唔頂得住?

我說應該唔得,最多驗多一架!

我跟住驗左第二架,已頂唔住,叫公司打電話給第三個客,我自己車都揸唔到,將車停在路邊,便入了急症室。

在此我同今日的客人道歉,因病未能幫大家,更要多謝我們的團隊,如果我是一人公司,我都唔知點算!好彩老闆即時安排,同客人解釋。

雖然有些客人不理解,說我們失約,但我都唔想,希望你們見諒!

我亦知老闆,向客人解釋時,被客人話他講大話,老闆都好勞氣!

講真,我老闆從不說假話,所以佢都好委屈,我在此同你說聲Sorry!

我又知有間車行,知道我地說來不到,他竟然打去公司,公司同事說我病了,最快也要星期一,他説不可以!還要老闆十分鐘內覆,老闆當然照覆,他說一定要今日,我老闆說要問個客,佢說沒問題,客人亦說可以,老闆對於能不失約,不知幾高興,至少不會影响客人。

但唔知點解,約了唔夠十分鐘,客人又打電話到公司,説今天不驗,我地都唔敢問點解!

我今日真的食錯東西,攪到大家的安排失預算!
希望大家見諒!

亞添
2015.9.5

Posted by HKMI 香港驗車 Hong Kong Motor Inspection 流動驗車服務 on Saturday, 5 September 2015