買平治 EQA 250 必睇！點解行行下會突然摩打入水？香港驗車話你知驗車盲點！

好多準車主問我哋：「平治 EQA 250 究竟有咩通病？」
近期喺我哋拆解實物嘅過程中，發現唔少車主都中咗呢個招——驅動摩打內部經常「入水」！

摩打點解會入水？
原廠設計原意係好嘅，想透過冷卻液（Coolant）流經摩打周邊去幫摩打散熱降溫。而冷卻系統同摩打之間就靠一個「水封」去分隔。
但只要架車用耐咗，水封經長期高溫同熱脹冷縮出現老化，冷卻液就會開始滲入摩打內部，將成個摩打長年浸住！

車主千祈唔好「夾硬行」！
摩打入水之後，會引發絕緣短路故障。最致命嘅係，架車唔會即刻徹底死火，仲畀你繼續行。好多車主以為小事「夾硬行」，結果令電流繼續運轉，最終成個摩打徹底燒毀，連帶高壓系統都要抬走，維修費隨時天文數字！

最恐怖嘅係：初期驗車「驗唔到」！
喺里程數方面，由 4萬公里、10萬公里到十幾萬公里 都有中招個案，幅度可以好闊。
最需要注意嘅係：如果水封啱啱開始老化微滲，喺初期的傳統上門驗車或一般電腦檢測入面，基本上係完全驗唔到架！ 呢個係極度隱蔽嘅設計同物理損耗問題。

香港驗車負責人忠告：
想入手 EQA 250 二手車嘅朋友，平時一定要金睛火眼望實副水箱冷卻液有冇無故減少。一旦跳出電力系統警告，切勿心存僥倖繼續揸！
買電動車，搵一間無車行資金、無車房背景、無利益衝突嘅獨立驗車公司幫手把關，先至最穩陣！

香港驗車 HKMI
獨立第三方流動上門驗車服務｜專業 · 客觀 · 誠信
WhatsApp 預約驗車：https://wa.me/85268002007
電話預約：25881822
官網：www.hkmi.com