HKMI 警世案例 ｜ 23萬車未驗先落5萬訂？買二手車最危險嘅做法！

「成日提醒大家，未驗車之前千祈唔好落訂！」
今日收到黃生預約驗車，買嘅係一部 2023 年嘅 Tesla Model Y，車價 23 萬。本來約驗車係好事，但一問之下，真係嚇咗我哋一跳。
「黃生，你落咗訂未？」
「落咗，落咗 5 萬蚊。」
23 萬嘅車，未驗就直接落 5 萬蚊訂！以前勸大家唔好亂落訂，通常都係幾千一萬，而家發現啲訂金越落越多，真係非常危險。
好多時消費者因為唔熟車，又冇諗過後面嘅風險，覺得睇中咗就快手落訂，結果往往將自己推入被動嘅局面。

雖然黃生話有簽買賣合約，但我哋隨即提醒佢，一定要打醒十二分精神：

1. 車行合約藏陷阱
而家好多車行嘅合約條款對消費者好唔公平，分分鐘寫咗「任何情況下訂金不設退還」，隨時令你無端受損。
2. 查清車行授權書
部車係咪已經畀車行「收斷」？車行到底有冇合法權限去出售呢部車？如果連原車主授權書都冇，手續隨時出問題。
3. 「大撞、水浸」等於冇寫？
好多人以為合約寫明「大撞、水浸、積木車可以退訂」就安全。但話你知，呢啲字眼喺法律上根本冇明確定義！點樣先算大撞？邊度起先算水浸？定義含糊，到時打官司消費者一樣吃虧。

雖然黃生已經落咗訂，冇辦法回頭，我哋唯有叫佢即刻 Send 份合約過嚟幫佢眼，盡力幫佢把關。
再次呼籲所有準備買車嘅朋友：最理想嘅做法，一定係「先驗車，後落訂」。一旦本末倒置，最後受害、蒙受金錢損失嘅，永遠都係消費者自己！

HKMI 香港驗車 ｜ 獨立第三方驗車，真正保障消費者權益。
落訂前搵我哋，幫你避開二手車所有陷阱！