究竟主場係咪有利呢?



真球證假球證?
又一個未驗車先落訂,迫於無奈要左部車!
香港驗車驗左部車,知道部車有事,講到明有結構性維修,車行佬一句個得埋嚟,咁係咪大撞呀?
車行佬主動要求搵主場間驗車公司再驗
結果個答案,備注:新買家說給我們聽的,個尾又真係有少少銀過嘅!不過都唔係好大鑊啫!
相片我哋就影咗啦,大家可以參考一下!
之後我哋打俾新買家,問佢有關情況,知唔知道有關嘅位置曾經做過結構性嘅維修,佢話佢知道!
我話如果唔係落咗訂,你會唔會要部車啊?
佢話梗係唔會要啦!
佢話車行幫佢維修個水泵!同埋部車都係粗揸嘅!
算啦!
我哋再問多佢一句,如果未落訂你會唔會要部車?
好在佢都講返啲正常嘢!
梗係唔會要啦!
老實說踢波梗係有主場之利啦!
但係講到驗車啦喎,係咪真係有主場之利呢?
香港驗車作為一間沒有車行資金嘅驗車公司,我哋嘅主場,就係我哋嘅消費者,就係我哋嘅道路使用者!
我哋永遠唔會同既得利益者妥協,部車係有事找事冇事就冇事,咩叫唔係好大鑊啊?
架車個尾係有維修過就維修過啦,咩叫大鑊定唔大鑊啫?
我問吓大家,隻腳如果斷咗,係大鑊定唔大鑊啊?
當然冇人講到俾你聽啦,但事實隻腳就係斷咗呀嘛!
更重要嘅,各位將會買車嘅準買家,千祈唔好再寫埋容易中伏嘅合約,咩叫容易中伏呢?
咪就係大撞水浸積木車,呢三個只可以形容為一個詞語,並不能作一個定義,當沒有定義的情況之下,寫在合約上邊,到最後損失嘅一定係俾咗訂金嘅消費者!
今次呢件事就證明左,未驗車先落訂嘅害處啦!
同埋大家千祈唔好問我哋邊間主場驗車公司!
今次純粹只不過係將事實反映,並沒有影射任何人,亦請大家不要對號入座!