唔使咁呀!同師傅發誓!



唔使咁呀!同師傅發誓!

 

每一日驗車,都會接觸不同的客人,作為驗車師傅,我哋唔單止驗車,更見盡人生百態!

 

今日嚟到驗車,已經知道部車點樣都會有啲問題,因為是我哋係幾年前,已經知道呢一部電動車,有科技,但係某程度上面手工都不及歐洲嘅大廠!

 

呢個係預咗嘅!

 

Martin師傅同往常一樣,進行驗車程序,發覺一邊車身,係噴過油嘅!

 

老實說,其實都好正常,其他車就覺得奇怪,呢一部車就真係,都唔係新聞嚟㗎啦!

 

我哋指出有關的問題,車主非常之緊張,爭在冇舉起三隻手指,佢同Martin師傅說:「我可以對天發誓,我一定冇噴過!」

 

Martin師傅當然處變不驚,同返車主講,邊個噴油就真係唔知道,但係部車真係有噴過油!

 

車主先生,你又唔使咁嚴重,唔使同我哋啲師傅發誓,我哋都係驗車姐!

 

所以驗收新車係非常之重要,各位預備買新車嘅車主,千祈唔好以為新車不需要檢查,如果呢位車主,當日買呢部新車嘅時候,又搵我哋驗過,佢至少知道自己部車嘅情況,日後買車嘅時候,如果我哋見到有問題,佢可以指出,我當日買嘅時候車廠交俾我,都已經係咁㗎啦!真係同我無關㗎 !

 

咁咪唔使發誓囉!