感謝香港驗車HKMI幫我逃過買車陷阱。



感謝香港驗車HKMI幫我逃過買車陷阱。

事件幸得你們及時勸告,否則不但蒙受金錢上損失,還有可能承擔意想不到的法律責任。

當日約左睇車,司機A話架車是老闆之前揸開的,現在比佢放。我見架車新淨靚仔,自不然傾下價錢,然後試車,點知佢話試左就要落訂架,我心唸落二千蚊訂揸下部車囉,跟住佢又話比左訂就把牌薄交比我自己去運輸處過户,完成後就比埋尾數佢就可以揸走部車。初頭覺得都問題不大。佢一路都話架車是老闆車,所以牌薄是公司名登記,牌薄同過戶紙 (已有公司蓋印) 就咁交比我,過完户就比埋現金尾數佢,買賣完成。

當晚我就唸架車吾錯,但點都要驗下車,所以搵番上次幫襯過的香港驗車,HKMI就問我點解未驗車就咁快落訂,邊有這樣做的! 架車是公司車,問我尾數交比邊個呢?我話咪交比今日约出來試車個人,因為佢已經比牌簿和過户紙我,尾數當然交比佢啦!

今次我徹底疏忽了,HKMI再三提醒我,尾數是要交比牌薄上寫果位車主(抬頭應寫該公司名),絕不是交比今日約出來的A。我恍然大悟,立即打去搵番A, 佢一路都話吾使開本票咁煩,直接過錢落佢户口,講來講去都叫我吾好開本票,我最後話咁樣吾啱手續所以吾買啦,佢竟然話不會退番訂的。

我心諗,不是我違反協議呀,我只想依正手續,把尾數過比牌簿上個車主(xx公司),很合理呀,點解要過落第三者户口呢? 而家A吾退番訂,我都吾順氣。之後A想攞番牌簿,我就當然話退訂先交番牌薄比佢。

此經歷話我知架車點靚點平都好,都吾好未驗車就落訂,及攪清楚車主是誰先好過數,如果吾系買左一架已經報失左的車就水洗都吾清。再次感謝HKMI的熱心幫助,及寶貴意見。