殺訂 退訂

殺訂 退訂
一念天堂一念地獄

請大家評一評誰是誰非？

話說最近我們去驗車
都係未驗車之前俾咗訂金

比訂金 已經係錯㗎啦！

更錯 更錯 更錯
就係簽咗 一份合約 

份合約知唔知寫左啲咩落去

竟然寫如果架車有大撞
就會退訂
大家覺得係咪好合理呢？

咁你哋就賴嘢
點解嘅？
大家知唔知咩叫大撞？
大撞有冇定義啊?

可能你哋會話
架車撞過就大撞囉！

年輕人 你哋實在太天真

「大撞」作為準買家，當然會這樣解讀！

但如果落到去有心人嘅手上
「大撞」呢兩個字就成為佢哋生財嘅工具⋯⋯

個案 1.殺訂

有一名準買家，到新界某大汽車展銷場，在場內某一間車行，看中了一部車，之後這名買家付了兩萬元訂金，要求我們驗車，驗車結果，是龍門架更換，車頭有部份組件也有更換和維修！

當時買家就向車行表示，這部車是「大撞」！

要求退回訂金！

到最後梗係冇退啦！

車行竟然和他說，我部車沒有大撞，都沒有撞到條陣，所以不會退回訂金！
根據客人所說，車行只會退回一萬蚊！

客人反應好無奈，跟住問我們什麼是大撞？

我就和他說根本就沒有定義，你簽這一種合約，簡直是自投羅網、自討苦吃、自討沒趣、同自殺沒有什麼分別！

個案 2.退訂

有一名準買家，去了順寧道某一間車行，付了訂金並簽定合約，同樣在合約上面註明，如果車輛曾經有大撞，可以退回訂金，準買家亦覺得這樣寫，非常之安心，即時要求車行幫他過戶，但是為求安心，都預約了我們去驗車。

驗車結果是左面有撞擊，未到陣咀！

準買家當然非常之擔心，和車行理論，車行即時表示不好意思，因為部車是透過另一個行家，取回來轉賣給他的！

那個行家誓神劈願，說部車沒有問題，他自己也不知道！

準買家問即係點呀？

車行老闆即時提出兩個方案：第一個方案部車平啲賣俾佢！
第二個方案將訂金全部退回給他。

故勿論誰對誰錯！
我也覺得這一間車行非常之有承擔，他不會利用一份合約去瞞騙客人，更不會利用合約上一些模糊的定義，而作為一個藉口，從而得到不應該有的利益！

所以奉勸大家一句，簽合約之前一定要看清楚！
咁究竟要睇啲咩呢？

當然就係要睇合約嘅內容，同埋有冇一啲根本就係似是而非，沒有定義嘅內容啦！

一念天堂 一念地獄

究竟買車係咪真係咁難呢？
其實係好取決於賣車俾你嘅人！

人心難測！自己執生啦！